"Barselona" xavbeki Pedri "Levante"ga (3:2) qarshi o‘yindagi goli haqidagi savolga javob berdi.

Xans-Diter Flik jamoasi birinchi bo‘limdan so‘ng 0:2 hisobida mag‘lub bo‘layotgan edi. Aynan Pedri 49-daqiqada uzoq masofadan zarba yo‘llab, Kataloniya grandining kambekini boshlab berdi.

"Birinchi bo‘limda chap oyoqda zarba berdim - yaxshi chiqmadi. Gol bo‘lgan vaziyatda o‘ng oyoqda zarba berishga qaror qildim - bu safar juda yaxshi chiqdi. Menga doimo darvozaga tez-tez zarba berishimni aytishadi va agar natija shunday bo‘lsa, albatta, buni davom ettiraman," - dedi 22 yoshli ispaniyalik o‘yindan keyingi intervyusida.

52-daqiqada Ferran Torres hisobni tenglashtirgan bo‘lsa, 91-daqiqada "ko‘k-anorranglilar"ga "Levante"ning avtogoli yordam berdi.