Лондоннинг "Арсенал" клуби мухлиси бўлган британиялик журналист Пирс Морган АПЛ 2-туридан ўрин олган "Лидс"га қарши баҳсда марказий ҳужумчи Виктор Дьёкерешнинг ўйинига баҳо берди. Баҳсда "канонирлар" 5:0 ҳисобида зафар қучган бўлса, швециялик футболчи дубль қайд этди.
"Арсенал"да ҳақиқий тўпурар пайдо бўлди. Дьёкереш ўзининг илк дублини расмийлаштирди. "Канонирлар" ушбу гол машинаси орқали бу мавсумда чемпион бўлади," - дейилади Морганнинг ижтимоий тармоқдаги саҳифасида.
27 ёшли скандинавиялик ҳужумчи "Арсенал"га Лиссабоннинг "Спортинг" клубидан 65 миллион евро эвазига ўтди. Виктор Англия топ-клуби билан 5 йиллик меҳнат шартномасини имзолади.
