"ПСЖ" бош мураббийи Луис Энрике италиялик дарвозабон Жанлуижи Доннарумманинг мухлислар билан хайрлашиш воқеасига изоҳ берди.
Лига 1 2-тур ўйинидан сўнг, дарвозабон унинг исмини ҳайқираётган парижлик мухлислар трибунаси ёнига борди.
"Мухлисларнинг қўллаб-қувватлашини кўриш ҳар доим ёқимли. Тушунаман, бу Жанлуижи учун ўзгача лаҳза, бунга кўникиш қийин, аммо бу ҳолатни кўриш ёқимли," - дея испаниялик мутахассиснинг сўзларини келтиради Footmercato.
Аввалроқ, клуб Доннарумма билан шартномани узайтирмоқчи эмаслиги маълум бўлганди. Шундан сўнг, футболчининг вакиллари унинг ёздаёқ жамоани тарк этишини маълум қилишди.
