"PSJ" bosh murabbiyi Luis Enrike italiyalik darvozabon Janluiji Donnarummaning muxlislar bilan xayrlashish voqeasiga izoh berdi.

Liga 1 2-tur o‘yinidan so‘ng, darvozabon uning ismini hayqirayotgan parijlik muxlislar tribunasi yoniga bordi.

"Muxlislarning qo‘llab-quvvatlashini ko‘rish har doim yoqimli. Tushunaman, bu Janluiji uchun o‘zgacha lahza, bunga ko‘nikish qiyin, ammo bu holatni ko‘rish yoqimli," - deya ispaniyalik mutaxassisning so‘zlarini keltiradi Footmercato.

Avvalroq, klub Donnarumma bilan shartnomani uzaytirmoqchi emasligi ma’lum bo‘lgandi. Shundan so‘ng, futbolchining vakillari uning yozdayoq jamoani tark etishini ma’lum qilishdi.