Маркус Рэшфорд "Барселона" сафида илк бор асосий таркибда майдонга тушди. Жамоа "Леванте"га қарши ўйиннинг биринчи бўлимини муваффақиятсиз ўтказди (0:2) ва танаффусда Ханс-Дитер Флик англиялик футболчини алмаштирди. Бу вақтга келиб вингер 30 та узатма амалга оширди ва уларнинг барчаси аниқ чиқди. Шунингдек, 27 ёшли футболчи дарвоза томон битта зарба йўллади ва иккита муваффақиятли дриблинг амалга оширди.
Иккинчи бўлимда "Барса"нинг ишлари анча яхши кетди: каталонияликлар тезда жавоб голларини киритишди, ўйин охирида эса рақибларнинг автоголи эвазига ғалабани илиб кетишди - 3:2.
Маркус Рэшфорд "Манчестер Юнайтед"дан сотиб олиш имконияти билан жорий мавсум якунига қадар ижарага олинган. Аввалги "Мальорка"га қарши баҳсда футболчи 69-дақиқада захирадан майдонга тушганди.
