Marca журналистлари якшанба куни "Реал"нинг трансфер ишлари ҳақида янги маълумотлар билан бўлишишди. Манбага кўра, мадридликлар Родриго ва Дани Себальоснинг кетишини истисно қилишмаяпти, аммо расмий таклифлар бўлмаган. "Қаймоқранглилар" Родригонинг "Манчестер Сити", "Арсенал" ва "Ливерпуль" радарларида эканини билишади.
Қайд этилишича, Родригонинг "Осасуна"га қарши ўйиннинг 90 дақиқаси давомида захирада қолдирилиши клубнинг позициясига ҳеч қандай алоқаси йўқ.
"Реал" Хаби Алонсога Родригони захирада қолдириш бўйича ҳеч қандай кўрсатма бермаган," - дейилади материалда.
24 ёшли Родриго нуфузли Transfermarkt портали мутахассислари томонидан 90 миллион еврога баҳоланмоқда.
