Англия Премьер-лигасининг 2-турида "Манчестер Юнайтед" Лондоннинг "Фулхэм" клубини меҳмонда мағлуб эта олмади. Жамоалар ўртасидаги учрашув 1:1 ҳисобидаги дуранг билан якунланди.
"Манчестер Юнайтед" учун бу ўйин чемпионатда жамоа ғалаба қозона олмаган олтинчи меҳмон ўйини бўлди. Аввалроқ "қизил иблислар" "Челси", "Брентфорд", "Ньюкасл" ва "Ноттингем Форест"га мағлуб бўлганди. Қолаверса, Рубен Аморим шогирдлари "Борнмут" билан дуранг ўйнади.
"Манчестер Юнайтед" сўнгги бор АПЛ доирасида 16 март куни меҳмонда ғалаба қозонган. Бу ўтган мавсумнинг 29-турида "Лестер" билан ўйинда (3:0) содир бўлганди.













