Мадриднинг "Реал" клуби бу сафар ҳам "қуруқ" ғалабага эришди - бу сафар улар "Реал Овьедо"ни мағлуб этишга муваффақ бўлди (3:0).
Хаби Алонсо жамоаси Килиан Мбаппенинг дубли ва Винисиус Жуниорнинг аниқ зарбаси эвазига уч очкони ишончли тарзда қўлга киритди. "Қаймоқранглилар" ҳисобида Ла Лиганинг икки туридан кейин 6 очко мавжуд, тўплар нисбати - 4:0. Opta’нинг ёзишича, "Реал" ўн йил ичида биринчи марта чемпионатнинг иккита бошланғич ўйинида бирорта ҳам тўп ўтказиб юбормади. Умуман олганда, жамоа жорий аср бошидан буён тўрт марта бунга эришди.
Мадридликлар Испания чемпионати турнир жадвалида "Вильярреал" ва "Барселона" билан биринчи ўринни бўлишиб турибди.
