"Ювентус" матбуот хизмати ярим ҳимоячи Уэстон Маккеннининг мухлислар томонидан ирқчилик ҳужумига учраганини маълум қилди. Бу воқеа А Серия 1-туридан ўрин олган "Парма"га (2:0) қарши ўйин охирида, меҳмонлар секторида америкалик футболчи жамоадошлари билан тортишиб қолганида юз берган ва мухлислар уни ҳақорат қила бошлашган.

"Ювентус" ушбу ҳодисани ва ирқчиликнинг ҳар қандай кўринишини кескин қоралайди, шунингдек, айбдорларни аниқлаш учун спорт адлия органлари билан тўлиқ ҳамкорлик қилишга тайёр", - дейилади клуб баёнотида.