"Ливерпуль" марказий ҳимоячиси Виржил ван Дейк "Ньюкасл" футболчиси Энтони Гордонга қизил карточка кўрсатилган вазият ҳақида қандай фикрда эканини айтди.
Биринчи бўлим охирида англиялик футболчи ван Дейкга нисбатан қўполлик ишлатди ва бунинг учун сариқ карточка олди, бироқ видеотакрорларни кўргандан сўнг ҳакам ўз қарорини ўзгартирди ва "ҳаккалар" футболчисига тўғридан-тўғри қизил карточка кўрсатди.
"Мен Гордонга: "Агар бу четлатиш бўлмаса, мен футболда ҳеч нарсани тушунмайман," дедим. Ҳакам видеотакрорни кўришга мажбур бўлгани ғалати деб ўйлайман. Афсуски, Гордон хоҳлайдими ёки йўқми, бундай нарсалар содир бўлиб туради," - дейди "қизиллар" сардори Sky Sports’га берган интервьюсида.
