"Торино" устози Марко Барони "Интер"дан учралган 0:5 ҳисобидаги мағлубият ҳақида гапирди.
"Бу оғриқли натижа, бу бизга қатъийликни ўргатади ва олдинга интилиш учун куч бериши керак, афсуски, бизга айнан шу нарса етишмади.
Жамоа учрашувни ёмон бошлагани йўқ, лекин шиддатли ўйнамади. "Интер"га кўпроқ босим ўтказишимиз керак эди ва албатта, бунинг устида ишлашимиз керак.
Барча голлар ҳақиқатан ҳам хатоларимиз туфайли пайдо бўлди. Биз буни тезроқ ҳал қилишимиз ва яхшиланишимиз керак, чунки мавсумнинг дастлабки ҳафталарида бизни жуда қийин ўйинлар кутиб турибди", - деди мураббий.
