"Torino" ustozi Marko Baroni "Inter"dan uchralgan 0:5 hisobidagi mag‘lubiyat haqida gapirdi.
"Bu og‘riqli natija, bu bizga qat’iylikni o‘rgatadi va oldinga intilish uchun kuch berishi kerak, afsuski, bizga aynan shu narsa yetishmadi.
Jamoa uchrashuvni yomon boshlagani yo‘q, lekin shiddatli o‘ynamadi. "Inter"ga ko‘proq bosim o‘tkazishimiz kerak edi va albatta, buning ustida ishlashimiz kerak.
Barcha gollar haqiqatan ham xatolarimiz tufayli paydo bo‘ldi. Biz buni tezroq hal qilishimiz va yaxshilanishimiz kerak, chunki mavsumning dastlabki haftalarida bizni juda qiyin o‘yinlar kutib turibdi", - dedi murabbiy.
