"Барселона" "Бавария" ҳужумчиси Харри Кейнни ўз сафига қўшиб олиш ҳақида ўйламоқда. Инглизнинг мюнхенликлар билан амалдаги шартномаси 2027 йилнинг ўрталарида якунига этади, шу боис келаси ёздаёқ у арзонлаштирилган нархда сотувга чиқарилиши мумкин. Transfer News Live нашрининг El Nacional’га таяниб хабар беришича, "кўк-анорранглилар" спорт директори Деку Кейнни 2026 йилда Роберт Левандовскининг идеал ўринбосари сифатида кўрмоқда.

37 ёшли польшаликнинг меҳнат шартномаси роппа-роса 2026 йилда тугайди, бироқ уни яна бир мавсумга узайтириш имконияти мавжуд.

Харри Кейннинг ҳозирги нархи Transfermarkt портали томонидан 75 млн еврога баҳоланмоқда. Июль ойида ҳужумчи 32 ёшга тўлди.