Бразилия терма жамоаси бош мураббийи Карло Анчелотти терма жамоанинг навбатдаги ўйинларига чақирилмаган "Реал" вингери Родриго ҳақидаги саволга жавоб берди.
4 сентябрь куни бразилияликлар ўз уйларида Чилини қабул қилишса, 9 сентябрь куни Боливия меҳмони бўлишади. Иккала ўйин ҳам 2026 йилги жаҳон чемпионати саралаш босқичи доирасида бўлиб ўтади.
"Родригонинг йўқлиги? Футболчилар терма жамоада ўйнаш учун клубда мунтазам ўйнаш ва яхши спорт формасида бўлиш кераклигини жуда яхши билишади. Мен ҳеч кимга ҳеч нарсани тушунтиришим шарт эмас, лекин улар ҳар доим менга қўнғироқ қилишлари мумкин, агар уларга тушунтириш керак бўлса. Родригода менинг рақамим бор," - дея Анчелоттининг сўзларини келтиради Madrid Universal.
