Braziliya terma jamoasi bosh murabbiyi Karlo Anchelotti terma jamoaning navbatdagi o‘yinlariga chaqirilmagan "Real" vingeri Rodrigo haqidagi savolga javob berdi.
4 sentyabr kuni braziliyaliklar o‘z uylarida Chilini qabul qilishsa, 9 sentyabr kuni Boliviya mehmoni bo‘lishadi. Ikkala o‘yin ham 2026 yilgi jahon chempionati saralash bosqichi doirasida bo‘lib o‘tadi.
"Rodrigoning yo‘qligi? Futbolchilar terma jamoada o‘ynash uchun klubda muntazam o‘ynash va yaxshi sport formasida bo‘lish kerakligini juda yaxshi bilishadi. Men hech kimga hech narsani tushuntirishim shart emas, lekin ular har doim menga qo‘ng‘iroq qilishlari mumkin, agar ularga tushuntirish kerak bo‘lsa. Rodrigoda mening raqamim bor," - deya Anchelottining so‘zlarini keltiradi Madrid Universal.













