"Милан" "Наполи"дан Расмус Хёйлундни илиб кетишга уринди.
Аввалроқ, Неаполь клуби форвардни "Манчестер Юнайтед"дан сотиб олиш ҳуқуқи билан ижарага олишга яқинлиги ҳақида хабарлар тарқалган эди.
La Gazzetta dello Sport хабарига кўра, якшанба куни "Байер"дан Виктор Бонифасенинг муваффақиятсиз трансферидан сўнг, "Милан" даниялик футболчи атрофидаги ҳозирги вазиятга ойдинлик киритиш учун Хёйлунднинг агенти билан боғланган. "Россонерилар" ҳужумчини сотиб олиш ҳуқуқи билан ижарага олиш таклифи билан чиқишга тайёр эди, аммо қўнғироқ пайтида Хёйлунд аллақачон "Наполи" билан музокаралар олиб бораётган эди.
"Милан" Хёйлундни қўлга киритиш бўйича муваффақиятсиз уринишдан сўнг, "Спортинг"дан Конрад Хардерни сотиб олишга эътибор қаратишга қарор қилди. Сешанба куни клублар форвардни 24+3 млн евро ва қайта сотувнинг 10 фоизи эвазига трансфер қилиш бўйича келишувга эришгани маълум бўлди.
