Бугун Корея Футбол Ассоцияцияси Кей-лига 16-тури рамзий терма жамоасини эълон қилди. Қувонарлиси, ундан терма жамоамиз сардори Сервер Жепаров ҳам ўрин олди.

Шунингдек, дарвозабон Чон Санг Вук (Сеонгнам), ҳимоячилар Пе Хё Сонг (Гангвон), Парк Жин По, Лим Че Мин, Канг Жин Вук (ҳаммаси — Сеонгнам), ярим ҳимоячилар Хан Санг Вун (Улсан Хёнде), Хванг Сун Мин(Тегу), Фагнер (Бусан), ҳужумчилар Стевица Ристич (Сувон) ва Ко Му Йол (Поханг Стилерс) кабилар "Best 11" дан жой эгаллашга муваффақ бўлишди.

"Спортс Донг-а" нашри бу ҳақида ёзаркан? Сервер Жепаровга шундай таъриф беради: "Майдонда етакчиликни қўлига ола билиш тажрибасига эга, аниқ пастлар маэстроси".

16-турда “Сеонгнам Илва Чунма” сафарда “Чонбук Моторс”ни 3:2 ҳисобида мағлуб этиб қайтганди. 16-турнинг энг яхши жамоаси дея “Сувон” топилди.

Отабек Йўлдошев. Жанубий Корея, Сеул