Кеча Ўзбекистон чемпионатининг биринчи давра ўйинларига якун ясалди. Сўнгги турнинг марказий ўйинида, Тошкентда, "Бунёдкор" ва "Локомотив" клублари куч синашдилар. ФИФА рефериси Равшан Эрматов бошқариб борган бу ўйин 1:1 ҳисобидаги дуранг натижа билан якунланди. Ҳар иккала гол пенальтидан киритилди.
Ўйиндан кейин бўлиб ўтган матбуот анжуманига "Бунёдкор" клубининг бош мураббий Миржалол Қосимов эмас, балки катта мураббий Мурод Отажонов ғазаб отига минган ҳолда ташриф буюрди. Шахсан мен бу анжуманда иштирок этмаган бўлсамда, Мурод Отажоновнинг у ерда айтган гаплари, берилган саволларга жавобларидан шундай хулосага бордим.
Отажоновнинг анжуманда айтган гапларига бирма-бир тўхталиб ўтмоқчи эмасман. Истаганлар мана шу манзилдан ўқиб олишлари мумкин. Умумий ҳолда айтадиган бўлсак, мураббий олдинига “Бунёдкор” клубининг ғалаба қозонмаганига Равшан Эрматовни бош айбдор қилиб кўрсатди. Кейин эса анжуманда қатнашган ва қатнашмаган журналистлар тўғрисида ҳам гапириб ўтди.
Давоми Сардор Юсупов блогида.
