"Бавария" бош мураббийи Венсан Компани Германия кубоги 1/32 финалидан ўрин олган "Вехен"га қарши ўйин олдидан мюнхенликлар учун мусобақа муҳимлигини қайд этди.
"Бу турнир, албатта, жуда муҳим! Буни ўтган мавсумдаёқ ҳис қилганман. Мухлислар ҳаяжонда. Бу шунчаки ўйин эмас. Ғалабага чанқоқлик янада кучлироқ, чунки сўнгги совринни қўлга киритганимиздан бери анча вақт ўтди. Эртага биринчи финал, бу энг муҳими," - дея Компани сўзларини келтиради клуб матбуот хизмати.













