Лондоннинг "Арсенал" клуби ҳимоячиси Якуб Кивёр ҳозирча клуб ихтиёрида қолмоқда.

Журналист Томаш Влодарчикнинг маълум қилишича, "Порту" ва "Арсенал" 25 ёшли польшалик футболчининг трансфери бўйича ҳали тўлиқ келишувга эришмаган. Кеча футболчи жамоа билан бирга машқ қилди. "Порту"нинг таклифи "канонирлар" столида турибди, аммо клуб ҳали келишувга "яшил чироқ" ёқмаяпти.

Кивер жорий мавсумда майдонга тушмади. Футболчининг "Арсенал" билан меҳнат шартномаси 2028 йилнинг июнигача мўлжалланган. Нуфузли "Transfermarkt" интернет портали маълумотларига кўра, полякнинг нархи 28 миллион еврони ташкил этади.