Мюнхеннинг "Бавария" клуби бош мураббийи Пеп Гвардиола жамоа ҳужумчиси Марио Гомес билан унинг келажаги хусусида гаплашиб олганини айтди. Бу ҳақда немис матбуоти хабар берган.
Аммо ҳамон бу масала кун тартибидан олиб ташланмади. Клуб вакиллари унинг келажаги борасида ҳали бирор сўз демадилар.
"Марио - "Бавария" футболчиси. У билан гаплашиб олдим. Биз ҳозир энг яхшиси машғулот ўтказиш деган қарорга келдик. Кейин нима бўлади, кўрамиз", деди Гвардиола.
Эслатиб ўтамиз, Германия терма жамоаси ҳужумчисига Италиянинг "Фиорентина" клуби қизиқмоқда.