"Зенит"нинг бразилиялик 19 ёшли вингери Педро дос Сантос "Ал-Иттиҳод" футболчисига айланиши мумкин.

Foot Mercato хабарига кўра, Саудия Арабистони жамоаси "Зенит"га Педронинг трансфери бўйича 35 миллион евролик расмий таклиф юборган. Манбага ишонадиган бўлсак, футболчининг ўзига "Ал-Иттиҳод" жуда катта маош таклиф қилган ва бразилиялик футболчи трансферга розилигини бериб бўлган.

"Зенит" Педрони 2024 йилда 9 млн еврога сотиб олганди. У бу мавсумда барча мусобақаларда тўққизта ўйинда майдонга тушди ва битта голли узатмани амалга оширди.

Педронинг "кўк-оқ-кўклар" билан меҳнат шартномаси 2028 йил охиригача мўлжалланган.