"МЮ" раҳбарияти натижаларга қарамай, Рубен Аморимни қўллаб-қувватламоқда.

Аввалроқ, "Манчестер Юнайтед" Англия Лига Кубогида 4-дивизион вакили "Гримсби Таун"га пенальтилар сериясида ютқазиб, 2-босқичдаёқ мусобақани тарк этганди. Англия чемпионатида манкунианликлар "Арсенал"га ютқазди (0:1) ва "Фулхэм" билан дуранг ўйнади (1:1).

The Times хабарига кўра, "Манчестер Юнайтед" раҳбарияти ҳамон мураббийга ишонмоқда. Клуб хўжайинларидан бири Жим Рэтклифф Аморимга вазиятни ўнглаш учун вақт беришга тайёр.

30 август куни "МЮ" "Бёрнли"га қарши баҳс олиб борса, 14 сентябрь куни "Манчестер Сити"га қарши майдонга тушади.