"ПСЖ" президенти Носир ал-Хелаифий клубнинг трансфер бозоридаги фаолияти ҳақида қандай фикрда эканини айтди.
Парижликлар сафига ёзда "Борнмут"дан марказий ҳимоячи Илья Забарний ва "Лилль"дан дарвозабон Люка Шевалье қўшилди. Битимларнинг умумий қиймати 100 миллион евродан ортиқни ташкил этди, сотувлардан эса 20 миллион евро атрофида даромад олишга эришилди.
"Трансфер ойнаси душанба куни ёпилади, аммо биз ҳозирги таркибдан мамнунмиз. Трансфер ойнасининг сўнгги кунларида фаол бўламиз деб ўйламайман. Балки яна бир нечта футболчиларни сотармиз, аммо ҳозирги таркибимиз бизни қониқтиради," - дея ал-Ҳелайфийнинг сўзларини келтиради L'Equipe.
Тез орада "ПСЖ" "Манчестер Сити" даъвогарлик қилаётган дарвозабон Жанлуижи Доннаруммани сотиб юбориши мумкин.
