"Манчестер Сити" ҳимоячиси Натан Аке "Тоттенхэм" радарларига тушиб қолди. Ўтган мавсум нидерландиялик футболчи учун жароҳатлар туфайли омадсиз кечди - барча мусобақаларда атиги 20та ўйин. Жорий мавсумда футболчи бир марта майдонга тушди - айнан "шпорлар"га қарши ўйинда (0:2) ҳаракат қилди. Журналист Дин Жонс хабарига кўра, лондонликлар Аке трансферини муҳокама қилиш учун "шаҳарликлар" вакиллари билан боғланган. "Сити" 30 ёшли футболчи билан хайрлашишга тайёрми ёки йўқ, ҳозирча номаълум.
Натан Акенинг амалдаги меҳнат шартномаси 2027 йилгача мўлжалланган бўлиб, унинг қиймати Transfermarkt талқинига кўра 25 млн еврони ташкил этади.
