"Manchester Siti" himoyachisi Natan Ake "Tottenxem" radarlariga tushib qoldi. O‘tgan mavsum niderlandiyalik futbolchi uchun jarohatlar tufayli omadsiz kechdi - barcha musobaqalarda atigi 20ta o‘yin. Joriy mavsumda futbolchi bir marta maydonga tushdi - aynan "shporlar"ga qarshi o‘yinda (0:2) harakat qildi. Jurnalist Din Jons xabariga ko‘ra, londonliklar Ake transferini muhokama qilish uchun "shaharliklar" vakillari bilan bog‘langan. "Siti" 30 yoshli futbolchi bilan xayrlashishga tayyormi yoki yo‘q, hozircha noma’lum.
Natan Akening amaldagi mehnat shartnomasi 2027 yilgacha mo‘ljallangan bo‘lib, uning qiymati Transfermarkt talqiniga ko‘ra 25 mln yevroni tashkil etadi.
