"Милан" "Рома"дан Артём Довбик трансферидан воз кечмаяпти.
Аввалроқ, клублар Довбикни Сантьяго Хименесга алмаштириш масаласини муҳокама қилаётгани хабар қилинганди.
Мексикалик футболчи якунда кетишга рози бўлмади, дея хабар бермоқда журналист Жанлука Ди Марцио.
Шунга қарамай, миланликлар ўзаро алмашинувдан қатъи назар, трансфер устида ишлашда давом этиши мумкин. Украиналикни ижарага олишга уриниш бўлиши мумкин.
"Рома" ҳужумчига ўринбосар топа олса, у билан хайрлашишни истисно этмаяпти.
Довбик ўтган мавсум А Серияда 32та ўйинда майдонга тушиб, 12та гол урган.
