Польша терма жамоаси бош мураббийи Ян Урбан ҳужумчи Роберт Левандовски ҳақида фикр билдирди.
Юлдуз ҳужумчи сентябрь ойидаги йиғинга терма жамоага чақирув олди. Июнь ойида Левандовски Польша терма жамоасида ўйнамади, чунки у ўша пайтдаги мураббий Михал Пробеж билан зиддиятга борган эди.
"Йиғинни янги саҳифадан бошлашимизни истардим. Левандовски жамоа сардори бўлади. Душанба куни у мен билан матбуот анжуманида бўлади. Зелиньскийни вице-сардор, Беднарекни эса учинчи сардор қилиб тайинладим. Футболчилар аллақачон хабардор қилинган," - деб Урбан сўзларини келтирмоқда Łączy Nas Piłka.
