CAFA Nations cup-2025 турнири старт олди. Бугун мусобақасининг дастлабки икки ўйини ўтказилди.
Дастлаб, Эрон Афғонистонга қарши майдонга тушиб, 3:1 ҳисобида ғалаба қозонди.
Форслар сафида Мажид Ҳоссейни дубль қайд этган бўлса (26, 64), яна бир голни Амирҳуссайн Ҳуссайнзода киритди (36). Афғонлардан Омид Мусави (21) ягона гол муаллифи бўлди.
Яна бир ўйинда Тожикистон кутилмаганда Ҳиндистонга ютқазди - 1:2.
Анвар Али (5) ва Сандеш Жинган (13) ҳиндлардан голларга муаллифлик қилган бўлса, "Хоразм" легионери Шаҳром Самиев Тожикистон сафида жавоб голини урди (23).
73-дақиқада Рустам Соиров пенальтидан фойдалана олмади.
2-турда Эрон Ҳиндистон билан, Тожикистон Афғонистон билан ўйнайди. Бу ўйинлар 1 сентябрь куни ўтказилади.
