Саудия Арабистони чемпионати 2025/2026 йилги мавсуми 1-туридан ўрин олган «Ат-Таавун» — «Ан-Наср» учрашуви якунланди. Беллашув меҳмонлар фойдасига 5:0 ҳисобида тугади.

Учрашув бошидаёқ «Ан-Наср» ҳужумчиси Жоау Феликс ҳисобни очди. 54-дақиқага келиб форвард Криштиану Роналду пенальтидан гол уриб, риёдликлар устунлигини мустаҳкамлади. Бир дақиқадан сўнг меҳмонлар яримҳимоячиси Кингсли Коман ҳисобни йирик кўринишга олиб чиқди. 67-дақиқада Феликс дубль қайд этди, ўйин сўнгида эса хет-трикка эришди.

Кейинги турда «Ан-Наср» 14 сентябрь куни «Ал-Холуд»га қарши баҳс олиб боради. «Ат-Таавун» эса 13 сентябрь куни «Ал-Ухдуд» билан ўйнайди.

Саудия Арабистони — Про-лига. 1-тур
2025 йил 29 август, жума. 21:00 (МСК)
«Ат-Таавун» (Бурайда) — «Ан-Наср» (Ар-Риёд) - 0:5
Голлар: 0:1 — Феликс (7'); 0:2 — Роналду (54', пенальти); 0:3 — Коман (55'); 0:4 — Феликс (67'); 0:5 — Феликс (87')