Испания терма жамоаси бош мураббийи Луис де ла Фуэнте Мадриднинг "Реал" клуби ва Туркия терма жамоаси футболчиси Арда Гюлер ҳақида гапирди.
7 сентябрь куни "қизил фурия" 2026 йилги жаҳон чемпионати саралашида Туркия терма жамоасига қарши майдонга тушади.
"Гюлер - ажойиб ўйинчи. Биз уни шу ерда, Ла Лигада, "Реал" таркибида кўряпмиз. Унинг позицияси ўзгарди - у қанчалик универсал эканлигини кўрсатди. У чуқурроқ, шунингдек, жарима майдонига яқинроқ ва қанотларда ўйнай олади. Ажойиб футболчи," - дея де ла Фуэнтенинг сўзларини келтиради Madrid Xtra.













