Ispaniya terma jamoasi bosh murabbiyi Luis de la Fuente Madridning "Real" klubi va Turkiya terma jamoasi futbolchisi Arda Gyuler haqida gapirdi.
7 sentyabr kuni "qizil furiya" 2026 yilgi jahon chempionati saralashida Turkiya terma jamoasiga qarshi maydonga tushadi.
"Gyuler - ajoyib o‘yinchi. Biz uni shu yerda, La Ligada, "Real" tarkibida ko‘ryapmiz. Uning pozisiyasi o‘zgardi - u qanchalik universal ekanligini ko‘rsatdi. U chuqurroq, shuningdek, jarima maydoniga yaqinroq va qanotlarda o‘ynay oladi. Ajoyib futbolchi," - deya de la Fuentening so‘zlarini keltiradi Madrid Xtra.













