"Вулверхэмптон" "Генк" ҳужумчиси Тола Арокодарени ўз сафига қўшиб олади.
АПЛ клуби Бельгия жамоаси билан бонусларни ҳисобга олган ҳолда 27 млн евролик трансфер бўйича келишиб олди, деб хабар беради Sky Sports.
Аввалроқ, 24 ёшли нигериялик футболчига "Милан" ва "Наполи" клублари қизиқиш билдираётгани ҳақида хабарлар тарқалган эди.
Арокодаре ўтган мавсум Бельгия чемпионатида 40 та ўйинда 21 та гол уриб, чемпионатнинг энг яхши тўпурари бўлди.













