"Челси" ҳужумчиси Николас Жексон ижара асосида "Бавария"га ўтмоқда. Бу ҳақда нуфузли инсайдер Фабрицио Романо хабар бермоқда.
Манбага кўра, "Бавария" форвард ижараси учун "Челси"га 15 миллион евро тўлайди. Шу билан бирга, шартномада 80 миллион еврога сотиб олиш имконияти кўрсатилади. Тез орада Жексон келишувни якунлаш учун Германияга етиб бориши керак.
2023 йилда "Челси" Жексонни "Вильярреал"дан 37 млн еврога сотиб олганди. Бу вақт ичида сенегаллик 81 та ўйин ўтказиб, 30 та гол урди ва 12 та голли узатмани ўз ҳисобига ёздириб қўйди.
24 ёшли футболчининг "кўклар" билан меҳнат шартномаси 2033 йилгача мўлжалланган.













