"Манчестер Сити" бош мураббийи Хосеп Гвардиола матбуот анжуманида журналистлар олдида чиқиш қилди.
Испаниялик мураббийдан "Тоттенхэм"га қарши ўтган ўйинда (0:2) қўпол хатога йўл қўйган дарвозабон Жеймс Траффорднинг аҳволи ҳақида сўрашди.
"Биз ҳар доим футболчиларни қўллаб-қувватлаймиз, уларга ғамхўрлик қиламиз. Иккинчи гол эпизодида содир бўлган воқеа фақат Жеймснинг айби эмас. У кучли инсон ва ёрқин шахс. Биз футболчиларга ёрдам бериш учун шу ердамиз, бунга шубҳа йўқ," - деди Гвардиола.
31 август, якшанба куни "Манчестер Сити" Англия чемпионатида "Брайтон" меҳмони бўлади.
