Нуфузли инсайдер Фабрицио Романо ижтимоий тармоқларда ҳужумчи Расмус Хёйлунднинг келажаги ҳақида янги пост қолдирди. Романонинг маълум қилишича, барча томонлар даниялик футболчининг "Манчестер Юнайтед"дан "Наполи"га ўтишига келишиб олган.
"Наполи" Хёйлундни 6 миллион еврога ижарага олди. Келишувда 44 миллион еврога сотиб олиш имконияти кўрсатилади. Муайян шароитларда, бу опция мажбурий бўлиши мумкин.
Яқин бир сутка ичида Расмус тиббий кўрикдан ўтади. Агар муаммолар аниқланмаса, трансфер расман эълон қилинади.
"Манчестер Юнайтед" сафида Хёйлунд 95 та ўйинда майдонга тушиб, 26 та гол урган ва шерикларига 6 та голли узатмани амалга оширган.
