Nufuzli insayder Fabrisio Romano ijtimoiy tarmoqlarda hujumchi Rasmus Xyoylundning kelajagi haqida yangi post qoldirdi. Romanoning ma’lum qilishicha, barcha tomonlar daniyalik futbolchining "Manchester Yunayted"dan "Napoli"ga o‘tishiga kelishib olgan.

"Napoli" Xyoylundni 6 million yevroga ijaraga oldi. Kelishuvda 44 million yevroga sotib olish imkoniyati ko‘rsatiladi. Muayyan sharoitlarda, bu opsiya majburiy bo‘lishi mumkin.

Yaqin bir sutka ichida Rasmus tibbiy ko‘rikdan o‘tadi. Agar muammolar aniqlanmasa, transfer rasman e’lon qilinadi.

"Manchester Yunayted" safida Xyoylund 95 ta o‘yinda maydonga tushib, 26 ta gol urgan va sheriklariga 6 ta golli uzatmani amalga oshirgan.