«Пари Сен-Жермен» ярим ҳимоячиси Жоау Невеш Франция чемпионатининг 3-турида «Тулуза»га қарши баҳсда (6:3) хет-трик қайд этди. Португалиялик футболчи урган учта голдан иккитаси 7-дақиқадан 15-дақиқагача бўлган вақт оралиғида «чалқанча» услубдаги зарбалари билан киритилди.

Қайд этилишича, Европанинг топ-5 лигалари замонавий тарихида бу каби ҳолат илк марта содир бўлди.

Эслатиб ўтамиз, бу Невешнинг профессионал карьерасидаги биринчи хет-трики бўлди. У ўтган мавсум Франция чемпионатида жами 3 та гол урган. Умуман олганда, «ПСЖ» таркибидаги 61 та ўйинда 10 та гол ва 10 та ассист қайд этган.