"Байер" Бундеслиганинг янги мавсумини ёмон бошлади. Эрик тен Хаг жамоаси ўтган икки турда "Хоффенхайм"га ютқазиб (1:2), "Вердер" билан дуранг ўйнаган (3:3). Бременда "доришунослар" 3:1 ҳисобида олдинда бораётган бўлса-да, якунда ғалабани қўлдан бой берди.
Kicker якшанба кунги материалда "Байер" раҳбарлари "Вердер"га қарши ўйиндан кейин тен Хагни қўллаб-қувватлашдан бош тортганига ишора қилмоқда. Ҳозирда леверкузенликлар ёзги трансфер кампаниясини якунлашга эътибор қаратмоқда. Трансфер ойнаси ёпилгач, клуб мураббийнинг тақдирини ҳал қилади. Тен Хаг истеъфога чиқишга яқин турибди.
"Байер" Бундеслиганинг навбатдаги учрашувини 12 сентябрь куни ўз майдонида "Айнтрахт"га қарши ўтказади.
