"Райо Вальекано" "Барселона"га қараганда икки баробар кўпроқ аниқ зарбалар йўллади.
Ла Лига 3-туридан ўрин олган ўйин "Кампо де Вальекас"да бўлиб ўтди ва 1:1 ҳисобида дуранг билан якунланди.
Мезбонлар ҳам меҳмонлар сингари ўйин давомида 12 та зарба йўллади, бироқ аниқлик борасида рақибдан устун келди. "Райо"да 6 та, "Барселона"да 3 та аниқ уриниш бўлди. Шунингдек, мадридликлар кўпроқ бурчак зарбалари беришди (9 га қарши 4).
Учрашувнинг энг яхши футболчиси сифатида "Барселона" посбони Жоан Гарсия эътироф этилди.
