"Ливерпуль" бош мураббийи Арне Слот АПЛ 3-туридан ўрин олган "Арсенал"га қарши кичик ҳисобдаги ғалабадан сўнг ўз фикрларини билдириб ўтди. Ягона голни Доминик Собослаи жарима зарбасидан киритди.
"Агар ўтган мавсумда жуда кучли бўлган ва сезиларли даражада кучайган "Арсенал"ни мағлуб этаётган бўлсанг, бу жуда зўр. Мавсум охирида унинг қийматини билиб оламиз. Собослаи? Мен у билан бир мавсумдан сал кўпроқ ишлаяпман, аммо у "Ливерпуль" нима эканлигини кўрсатмоқда. У қайси позицияда ўйнашидан қатъи назар - ўнг қанотдами ёки ўнлик позициясидами - ҳар доим бор кучини ишга солади. Бугун у яна ажойиб ҳаракат қилди," - деди Слот.
"Ливерпуль" уч турдан кейин Премьер-лигада якка пешқадам бўлиб турибди - жамоа тўққиз очко тўплаган.
