Испаниянинг "Райо Вальекано" клуби ўнг қанот вингери Иси Паласон Ла Лига 3-туридан ўрин олган "Барселона"га қарши кечган ўйин ҳақида фикр билдирди. 31 август куни бўлиб ўтган учрашув 1:1 ҳисобида якунланди.
Ўйин давомида ҳакам "Райо"нинг голини инобатга олмади ва жамоа дарвозасига пенальти белгилади. Айнан шу қарор кейинчалик ҳакам билан гаплашган Паласоннинг норозилигига сабаб бўлди.
"Ҳакам ўз хатосини тан олди. У ҳам инсон ва хато қилиши мумкин, лекин ғалати томони шундаки, хатолар ҳар доим бир хил жамоаларга қарши бўлади. Ўтган йили "Камп Ноу"да ҳам хато қилишганди. Тилимни тийишим керак," - дея Паласоннинг сўзларини келтиради Marca.
