Сенегаллик ҳимоячи Микаил Файе ("Барселона" тарбияланувчиси) Франциянинг "Ренн" клубини тарк этиб, Италиянинг "Кремонезе" клуби футболчисига айланади. Бу ҳақда журналист Фабрицио Романо ўз ижтимоий тармоқларида маълум қилди.
Манбага кўра, футболчи 10 миллион еврога сотиб олиш ҳуқуқи билан ижарага берилади. Файе билан бир вақтда жамоага "Лестер"да 13 мавсум ўйнаган англиялик ҳужумчи Жейми Варди ҳам келиб қўшилиши кутилмоқда.
Ўтган мавсумда 21 ёшли Файе барча турнирларда 12 та ўйинда майдонга тушди. Бир йил олдин футболчи Сенегал терма жамоасида дебют қилган ва 1 та ўйинда 1 та гол урган.
"Кремонезе" ҳозирда 2 ўйиндан 2 тасида ғалаба қозониб, чемпионатда учинчи ўринда бормоқда.
