Ҳужумчи Кевин "Шахтёр"дан "Фулхэм"га ўтади. Журналист Фабрицио Романонинг ижтимоий тармоқларда хабар беришича, Лондон клуби трансфер бўйича тўлиқ келишиб олган, жумладан футболчининг жамоаси билан ҳам.
"Фулхэм" Кевин учун "Шахтёр"га 40 миллион евро тўлайди. Яна 5 миллион бонус сифатида шартномага киритилади. 22 ёшли бразилиялик лондонликлар билан узоқ муддатли меҳнат шартномаси тузади.
Аввалроқ матбуотда "Фулхэм" Кевин борасида "Шахтёр" билан трансфери борасида келишиб олгани, бироқ футболчининг агенти билан музокараларни давом эттиргани ҳақида ёзган эди. Кевин "Шахтёр" сафида 57 та ўйин ўтказиб, 17 та гол урган ва 10 та голли узатма берган.
