Бельгия терма жамоасининг собиқ футболчиси Эден Азар "Челси" ва "Ливерпуль" афсоналари жамоалари ўртасидаги ўйинда иштирок этади.
Ўйин 11 октябрь куни "Стэмфорд Бриж"да бўлиб ўтади. Ўйиндан тушган маблағ хайрия ишларига йўналтирилади.
Жон Терри "Челси афсоналари" жамоаси сардори бўлиши кутилмоқда, Роберто Ди Маттео эса мураббий сифатида.
34 ёшли Азар 2012 йилдан 2019 йилгача "Челси"да ўйнаган, жамоа билан икки марта Англия Премьер-лигаси ва Европа Лигаси, шунингдек, бир мартадан Лига кубоги ва Англия кубоги соҳиби бўлган.













