Англиялик ҳимоячи Бен Чилуэлл Лондоннинг "Челси" клубини тарк этди. 28 ёшли футболчи Франция чемпионатига жўнаб кетди.
Тажрибали футболчининг янги клуби "Страсбург" бўлди, дея хабар бермоқда клуб матбуот хизмати. Чилуэлл француз жамоаси билан икки йилга мўлжалланган меҳнат шартномасини имзолади.
2024/2025 йилги мавсумнинг иккинчи қисмида ҳимоячи "Кристал Пэлас"да ижара асосида ўйнади. Футболчи 12 та ўйинда қатнашиб, битта гол урган.













