"Реал" тез орада "Реал Сосьедад" яримҳимоячиси Асьер Ильярамендини сотиб олади.
Испания ёшлар терма жамоаси сафида июнь ойида Европа чемпиони бўлган 22 ёшли футболчи пайшанба кунигача Мадрид клуби аъзосига айланади, деб ёзган Marca.
Газетанинг маълумот беришича, трансфер суммаси 30 миллион еврони ташкил этган ва энди томонлар маблағни етказиб бериш хусусида келишиб олсалар бас - бирданига ҳамма пул бериладими ё бўлиб-бўлибми.
Ильярамендига юқори баҳо берилганининг сабаби эса футболчи яқиндагина "Сосьедад" билан шартномасини 2018 йилгача узайтиргани билан изоҳланмоқда.
