Ҳужумчи Расмус Хёйлунд "Манчестер Юнайтед" бош мураббийи Рубен Аморимга керак бўлмай қолгани сабабли "Наполи"га ўтиб кетди. The Athletic нашрида даниялик футболчи ҳақида мақола чоп этилди. Унда Хёйлунд болалигидан мухлиси бўлган "қизил иблислар" сафида қолишни истагани айтилган.
Хёйлунд охиригача "Олд Траффорд"да қолиб, асосий таркиб учун курашишни хоҳлаган. "Манчестер Юнайтед"да ўйнаш орзуси амалга ошмаслигини тушунган Расмус "қаттиқ изтироб чеккан". Даниялик футболчи узоқ вақт давомида трансферга қатъий розилик бермаган.
"Манчестер Юнайтед" сафида 22 ёшли Расмус Хёйлунд 95 та ўйинда иштирок этиб, 26 та гол урган.
