Бельгиянинг Ронсе шаҳрида 4 кун давом этган пара велоспорт бўйича Жаҳон чемпионати ўз ниҳоясига етди.
Мусобақада Ўзбекистон терма жамоаси аъзолари 4 та кумуш ва 1 та бронза, жами 5 та медалга эга чиқишди.
Кумуш:
Маржона Пардабоева (Т1 классида 23.3 км гуруҳ пойгаси ҳамда вақт пойгасида)
Покиза Ахмадбекова (H1 классида 35 км гуруҳ пойгаси ҳамда вақт пойгасида).
Бронза:
Азиз Атахўжаев (Т1 классидаги вақт пойгасида).
Бу орқали ҳамюртларимиз Жаҳон чемпионатида Осиё жамоалари орасидаги энг яхши натижани қайд этишганини таъкидлаш лозим.
