"Милан"нинг собиқ устози Фабио Капелло янги бошланган Италия чемпионатининг 2-туридан кейин жамоанинг ўйинига шубҳа билан қарамоқда. Унинг фикрича, Макс Аллегри жамоаси ҳали ҳам ҳимояланишни ёқтирмайди, бу унинг олдинги мавсумлардаги асосий заиф нуқтаси эди.
"Ҳеч нарса ўзгаргани йўқ, мен тез ва қатъий ўзгаришларни кўрмаяпман. Ҳар сафар тўп йўқотганда "Милан" Контенинг "Наполи"сига ўхшаб ҳаракат қилмайди. Улар орқага югуришни ёқтирмайдилар, фақат ҳужум қилишни яхши кўрадилар. Майдон марказида ўйин йўқ, координация йўқ, мувозанат йўқ," - дея Капеллонинг сўзларини келтиради pianetamilan.it.
Италия А Сериясининг 2-туридан кейин "Милан" 3 очкога эга.
